Облысымызда тұмауға қарсы егу жұмыстары басталды. Шара 1-қазаннан 1-желтоқсанға дейін жалғаспақ. Вакцинациялау жыл сайын жергілікті бюджет есебінен жүзеге асады. Биыл бұл мақсатта жергілікті бюджет есебінен 240513020 теңге көлемінде қаржы қарастырылып, 353000 вакцина сатып алынған. Сала мамандарының сөзіне сүйенсек, бұл вакцина облыс халқының 12,9%-на жетеді. Екпе медицина қызметкерлеріне, 60 жастан асқан адамдарға, созылмалы өкпе, жүрек-қан тамыры, иммундық жетіспеушілігі ауруларымен диспансерлік есепте тұрған және әлсіз балалар мен ересектерге, алты айдан асқан аурушаң сәбилерге, балалар және қарттар үйін мекендеушілерге, мүгедектер мен жүктіліктің екінші немесе үшінші кезеңіндегі әйелдерге, медицина қызметкерлеріне тегін жүргізіледі.
Ал, ақылы екпені «Еврофарма» дәріханалар желісі мен «Дау-мед» медициналық орталығы, «Амбулаториялық хирургия, травматология және гинекология орталығында» салдыруға болады.
Айжан ЕРМЕКҚЫЗЫ
