Ақын Ұлықбек Есдәулет – 60 жаста!

894

Өткен ғасырдың жетпісінші жылдары қазақ әдебиетінің есігін айқара ашқан ақын Ұлықбек Есдәулет 60 жасқа толды. Мерейтой қарсаңында шығыстың тумасы Шымкентке келіп, облыстық «Отырар» кітапханасында оқырмандарымен қауышты. Алғащқы өлеңін 9-сыныптан бастап жаза бастаған дарын иесі елді ерте мойындатты дейді әдебиетшілер.

20141022_114814

Ғалым Жайлыбай, Қазақстан жазушылар одағы төрағасының орынбасары: «60 деген жас ақын үшін үлкен жас. Алпысқа Абай да келмеген. Осы біздің Сәкен, Ілияс, Бейімбет, Қасымдардың бәрі 44 жасында қырқылып кеткен…»

20141022_114918

20141022_114912

Десе де шығыстың тумасы поэзияда ұзақ уақыт жүру оңай соқпайтынын айтады. Сондықтан көптеген ақындар егде жасқа келгенде прозаға ауысып жататын көрінеді. Себебі, жастықтың жөні бір бөлек дейді ол.

20141022_114732

Ұлықбек Есдәулет, ақын: «Поэзия деген ол жүректің лүпілі, қанның қызуы буырқанған. Сондықтан жас кезде жазып қалған дұрыс.»

20141022_114954

Алпысты еңсерген ақын өзге сарында жазады. Арнаулардың өзінде адамның аты-жөнін қолданбайтыны ғажап дейді оның шығармашылығына талдау жасаған аға буын. Ал жастар жағы көкейде жүрген сауалдарына жауап алып, қаламгердің өлеңдерін жатқа оқыды.

20141022_114850

Өз кезегінде Ұлықбек Оразбайұлы кездесуді ұйымдастырған «Отырар» кітапханасына өз туындыларын сыйға тартты. Ал оқырман қауымның назарына ақынның қаламынан шыққан «Қара пима» поэмасының желісімен түсірілген режиссер Арыстан Отарбаевтың фильмінен үзінді ұсынылды.

[youtube]https://www.youtube.com/watch?v=QEtIyhaA6cI[/youtube]