Шымкенттегі Арғынбеков және Бәйдібек би көшелерінің қиылысындағы жолды қайта құру жұмыстары басталды. Осы аумақта көлік қозғалысының қиындығын айтып жүргізушілер қала әкіміне өтініш хат жазған болатын.
Нәтижесінде бағдаршамға қосымша бағыттаушы қондырғы орнатылған. Алайда бұдан кептелістің күрделілігі шешілген жоқ. Тіпті, ақуалды одан әрі қиындатып жіберді.
Енді қала әкімдігі жолды кеңейтуді қолға алып отыр. Бұл бастама көлік иелерінен қолдау тапты. Алда қаладағы тағы төрт қилыста осындай өзгеріс болмақ.
