Шымкент қалалық мәслихатының кезекті сессиясы өтті. Онда Шымкенттің 2018-2020 жылдарға арналған бюджетіне облыстық бюджеттің нақтылануына байланысты өзгерістер енгізілді. Атап айтқанда 2018 жылға республикалық бюджеттен 7 236,3 млн теңге трансферттер бөлінуде.
Оның ішінде негізгілері:
3 мектептің құрылысына – 695,3 млн теңге;
6 инженерлік жүйе құрылысына – 1 210,0 млн теңге;
Қайтпас-2 шағынауданының кәріз жүйелеріне – 487,4 млн. теңге;
1 қосалқы станция (Астана-1, 2) құрылысына – 1 424,3 млн. теңге;
Жастар практикасын ұйымдастыруға – 618,3 млн. теңге;
Жалақыны ішінара субсидиялауға – 184,8 млн теңге бөлінеді.
Бұған қоса мүгедектерді міндетті гигиеналық құралдармен қамтамасыз етуге – 173,9 млн теңге;
Техникалық көмекшi (компенсаторлық) құралдар тiзбесiн кеңейтуге – 142,5 млн теңге;
Мемлекеттік атаулы әлеуметтік көмек төлеуге – 1 061,4 млн теңге;
Мектепке дейінгі білім беру ұйымдарында мемлекеттік білім беру тапсырысын іске асыруға – 1 047,1 млн теңге;
Тілдік курстар бойынша тағылымдамадан өткен мұғалімдерге қосымша ақы төлеуге – 103,5 млн теңге;
Оқу кезеңінде негізгі қызметкерді алмастырғаны үшін мұғалімдерге қосымша ақы төлеуге – 25,2 млн теңге.
Нәтижесінде 2018 жылғы қала бюджетінің көлемі 114,9 млрд теңгеден 122,1 млрд теңгеге ұлғайды.
