Шымкентте қар жауып, күн суытты. Қардың қалыңдығы қалада 10 см-ге жеткен. Аяз Теріскейдегі Тасты елдімекенінде сақталады. Онда ауа температурасы түнде -10-15 градусқа дейін төмендейді.
Дәл осындай температура Төлеби ауданындағы Шуылдақ стансасында сақталады дейді синоптиктер. Таудың етегінде қардың қалыңдығы 1 метрге жеткен. Синоптиктердің болжамы бойынша келесі аптаның басынан ауа – райы қайта жылынады.
Әсем Нұрлыбаева, инженер синоптик: «Ақпанның 22-25 аралығында Түркістан облысында жауын-шашын болмайды. Бүгін түнде облыс аумағында қар сақталады. Түнде ауа температурасы -2-7, кейбір жерлерде -10-15 градусқа дейін төмендейді. Күндіз термометрдің бағаны 0+5 градус жылылықты көрсетсе, кей жерде -5 аяз сақталады. 25-ші ақпанда ауа температурасы +10+15 градусқа дейін жылиды».
Шынар Оразова
