Шымкент қаласының әкімі бірінші рет лауазымды қызметке тағайындалған мемлекеттік қызметшілерге дәріс оқыды. Ғабидолла Әбдірахымов өзі айтқандай лекцияға мұқият дайындалған.
Әңгімелесу форматы еркін тақырыпта өрбіді. Шымкенттің бас тізгіншісі өзінің жастық шағы туралы, мақсатына жету жолдары және жоғарғы оқу орнын бітіргеннен кейін оған қаншалықты қиын болғаны туралы әңгімеледі.
«Менің өмірімдегі алғашқы ұстазым әкем болды. Магистратураны бітіргеннен соң екі айдан кейін мемлекеттік қызметке барғым келетінін түсіндім. Біз Астанада пәтерде достарыммен бірге тұрдық. Бірде мен газетте жарнама оқып, өзімді сынап көргім келді. Мен тестілеуден өтіп, Мемлекеттік қызмет істері агенттігінде жұмысқа орналастым. Бастапқыда қиын болды. Ол уақытта жалақым бес мың теңге болатын. Мемлекеттік қызмет көрсету мекемесінде жұмыс істеп жүрсің, бірақ жалға берілетін пәтерде достарыңмен бірге тұрасың. Дүкеннен қарызға алған күндер де болды. Тіпті серуендеуге де уақыт табылатын. Мұның бәрі болды. Бірақ бір нәрсе өзгеріссіз қалады, жұмыс істеуге деген ниет. Мен алдағы бес жылдықта бөлім басшысы боламын деп ойламадым. Бірақ адамның мәртебесі қоғамға деген көзқарасын өзгертпеу керек екенін әрдайым есімде сақтаймын», – деді Әбдірахымов.
«Сіз бір жерде тоқтап қалмауыңыз керек, адам әрдайым өзін-өзі дамытуға тиіс екенін түсіну маңызды. Егер сіз бөлім басшысы, директор немесе әкім болсаңыз да айналаңыздағыларға оңды солды бұйрық беріп қана отыруға болмайды. Ондайды ұмытыңыз. Сіз де қызметкерлеріңіз сияқты болыңыз. Қызметкерлеріңіз сіздің жұмыстарыңызды атқарады, олардан артық емессіз», – деді Шымкенттің әкімі.
Дәрістен кейін қала басшысы еркін әңгімелесуге мүмкіндік тапты, сұрақтарға жауап берді және еркін байланыс кездесулерін жиі ұйымдастыруды ұсынды. Қазақстан Республикасы Президентінің жанындағы Мемлекеттік басқару академиясының құрылғанына 25 жыл толуына орай тағы да 24 дәріс өткізуді жоспарлап отырғанын айтты.
