Түркістан облысы Қазығұрт ауданында жергілікті кәсіпкер жаңа жыл қарсаңында екі жанұяға баспана сыйлады.
Көптен аңсаған армандары орындалып, баспаналы болғандар — ішінде көпбалалы отбасы мен мемлекеттік қызметкер. Жаңа жыл мерекесі қарсаңында қуаныш иелерін аудан әкімі Төлеген Телғараев арнайы құттықтады. Қоныстой иелеріне шаңырақтың шаттығын тілеп, үй жиһаздарын сыйға тартты.
Жаңа тұрғын үй «Қазығұрт» шағын ауданынан бой көтерген. Төрт бөлмелі баспана су, табиғи газбен қамтамасыз етілген. Өз алдына 15 соттық жері бар.
Айта кетерлігі, ауданның жомарт жандарының бірі Сырым Ертаев өз қаржысына салып, тұрғындардың үйлі-жайлы болып жатқанына себепкер болып отыр.
