Түркістан тазалығына жауапты көпбалалы аналар марапатталды

Түркістанның тазалығына жауапты мамандар марапатталды. Мереке қарсаңында көпбалалы аналарды облыстағы «Нұр Отан» филиалының өкілдері құттықтады.

Барлығы 15 қызметкер қаланы абаттандырып, тазалығымен айналысатын «Түркістан жарық-тазалық» ЖШС-інде жұмыс істейді. Міндетіне таңсәріден кірісетін нәзік жандылардың еңбегін атап өткен партия өкілдері алғыс хат пен сый-сияпат табыстады.

Айта кетейік, қала бойынша 98 мыңнан астам отбасы көпбалалы. Олардың 38907-ні партия бір реттік ақшалай көмек берді.

Назерке Үкібасова