Биткоин бағасы бір күнде 3 пайызға қымбаттап, 57 мың 590 долларға жетті. Бұл – мамырдың басынан бергі рекордтық көрсеткіш. Мұны Binance биржасы байқатып отыр.
Криптовалютаның өсуіне АҚШ Федералдық резерв жүйесі немесе орталық банкінің және Құнды қағаздар комиссиясының биткоинға тыйым салмайтыны туралы мәлімдемелері ықпал етсе керек.
Айта кету керек, бұл виртуалық ақша өткен айда Сальвадорда заңды төлем құралы деп танылғаны белгілі. Кейбір сарашылардың ойынша, соңғы бір жылда 98 пайызға қымбаттаған биткоин нарқы енді 100 мың долларға дейін көтерілуі ғажап емес.
Шынар Оразова
