Қазақстан нарығында А4 қағазы Ресейге салынған санкцияның салдарынан екі есе қымбаттады. 2021 жылы қазақстандық кәсіпорындар А4 форматында 600 мың қаптама қағаз шығарды, бұл ішкі нарықтағы барлық тұтыну көлемінің 5%-ін ғана құрайды, деп хабарлады индустрия және инфрақұрылымдық даму министрлігі.
Ағымдағы жылы ішкі нарықта пайдалану үшін Қазақстанға А4 форматындағы кеңсе қағазының 20,4 миллион қаптамасы,51 мың тонна жеткізілді. Оның ішінде, 61% . яғни 31,3 мың тоннасы – Ресей Федерациясынан, 30% , 15,1 мың тонна – Түркиядан, 8% (4 мың тонна) ҚХР-дан импортталды.
2022 жылғы наурызға қарай бағалар орта есеппен бір мың теңгеге немесе 67%-ке өсті. Қазір ірі жеткізушілер кеңсе қағазының 1 қаптамасын 3 мың теңге көтерме бағамен саудалайды.
Шынар Оразова
