Түркістанда 50-ге жуық жаңа білім беру тұйымына лицензия берілді. Бұл туралы облыстың Білім саласындағы сапаны қамтамасыз ету департаменті басшысы м.у.а Жанар Қасымова айтты.
Сөзінше, өткен жылы лицензия және лицензияға қосымша алу туралы 320 өтініш түскен. Оның 92-і қанағаттандырылып, біліктілік талаптарына сәйкес келмеген 228-нен бас тартылған.
Ал бүгінде жаңадан ашылған 45 білім беру ұйымына лицензия берілді. Оның 2-і мемлекеттік, 43-і жекеменшік мектеп. Сонымен қатар, «Жайлы мектеп» бағдарламасы бойынша 63 білім нысанына мониторинг жүргізілген. Жергілікті атқарушы органға құрылыстың орналасуы және бөлінген жер телімдері бойынша ұсынымдар берілді.
