«Саутс-ойл» компаниясының 20 жылдығына орай Шымкентте мұнай мен газ кеніштерін іздеу, барлау және игеруге арналған ғылыми-тәжрибелік конференция өтті. Шараға Шымкент, Түркістан мен Қызылорда облыстарынан сала мамандары және өңірлерден қонақтар қатысты.
«Саутс-Ойл» компаниясы мұнай-газ өнеркәсібі нарығында мол жетістікке қол жеткізген дамушы өндірістердің бірі. Компанияның негізгі іскерлік саласының бірі Қызылорда өңірінде көмірсутекті шикізат өнімін барлау мен өндіру. Нысан, өзінің даму тарихын алғаш болып тақтатас мұнайын өндіруді бастады.
«Саутс-ойл» компаниясының индустриаландыру мемлекеттік бағдарламасы аясында іске асырылатын 10 ірі инвестициялық жобасы бар. Олар әртүрлі салаларды қамтитын кәсіпорындар- өңдеу өнеркәсібі, тау-кен өндірісі, энергетика, қызмет көрсету, білім беру, медицина және басқалары.
Мұрат Әйтенов, Шымкент қаласының әкімі: «Компания осы жылдары халықтың әлеуетін жақсарту бағытында көптеген жобаларды жүзеге асырды. Солардың бірі көпсалалы аурухана. Мен «Саутс-ойл» компаниясының ұжымын 20 жылдығымен құттықтап еңбектеріңіз жана берсін, табыс тілеймін, еліміздің өркендеуіне үлестеріңізді қоса беріңіздер».
Компания әрқашан өңірлердің әлеуметтік саласына ерекше көңіл бөледі. Білім ордаларын салып, оларды жабдықтау, спорт және мәдени-бұқаралық нысандардың құрылысы мен қайта құру жұмыстарын жүргізуде. 20 жылдық мерей тойына орай Саутс-Ойл қазақстандық жас ұрпақты қолдау мақсатында қоғамдық- қайырымдылық қорын құрды.
