Қазақстандықтардың әрқайсысында 2 немесе 3 несиеден бар. Орта есеппен әр адам банктен 700 мың теңге қарыз алған. Ұлттық банк басшысы депутаттық сауалға жауап бергенде осындай деректерді келтірді.
Бүгінде 7 млн. 900 мың адамның банкте қарызы бар екен. Жалпы, берешек сомасы 15 трлн. теңгеден асады. Ал 1 млн. 100 мың адам 2 жарым млн-ға жуық кредит алып өтей алмай жүр. Ондағы қарыз 1 трлн. теңгеден асады.
Несие алғандардың көбі – қызылордалықтар. Мұнда әр адамның мойнында орта есеппен 3 кредиттен бар. Ал ең аз қарызданған солтүстікқазақстандықтар мен жетісулықтар. Мұндағы тұрғындар да кем дегенде 2 несиеден алған.
