Шымкентте жол бойында кетіп бара жатқан жеңіл көлік толығымен өртеніп кетті. Оқиға 28 тамызда кешкі сағат 19-дан өте болған.
Қалалық ТЖД хабарлауынша, Арғынбеков көшесі бойында «Mersecedes-Benz» маркалы жеңіл автокөлігі толығымен жанған. Өрт сағат 19:36-да оқшауланып, сағат 19:43-те толығымен сөндірілді. Оқиға орнына департаменттің 10 қызметкері мен 2 техникасы жұмылдырылды.
Зардап шеккендер мен қайтыс болғандар жоқ. Өрттің шығу себебі анықталуда.
