Қазығұрт ауданы, Сарапхана ауыл округінде орналасқан «SERPER» ЖШС аумағында аудан әкімдігінің және «SERPER» ЖШС мен «JINHONG AGRICU HURE CO.ITD» ЖШС-нің ұйымдастыруымен ауылшаруашылығы тауар өндірушілеріне, кәсіпкерлерге арналған ауылшаруашылығы техникалары мен шаруашылыққа қажетті шикізаттар көрмесі әрі семинар-кеңесі өтті.
Атаулы жиынға Қазығұрт ауданының кәсіпкерлерімен қатар, көршілес Сарыағаш, Келес және облысымыздың басқа да аудан-қалаларынан кәсіпкерлер қатысты.
Көрме барысында «SERPER» ЖШС-нің директоры Көбеев Данияр Қытайдың Шаньдунь өлкесінде орналасқан SHIFENG (Шифенг) зауытының Қазақстандағы дистрибьюторы ретінде «Shifeng 244» тракторының түрлері мен оған арналған сапалы жүк көтергіш (кун — 220 кг жүк көтереді), тіркеме (тележка — 2 тонналық), шөп орғыштың (косилка) 2 түрін (ротор және тісті пышақты тырмасымен), алдына күрек қалақ (лопата), артына сыпырғыш (ротор подметальный), екі корпусты соқа (плуг), бау егуге шұңқыр қазғыш (бурь) құралдарын жан-жақты таныстырып, артықшылықтарын айтып өтті.
Сонымен қатар, «JINHONG AGRICU HURE CO.ITD» ЖШС-нің сату бөлімінің өкілі, Қазығұрттық кәсіпкер Құралов Нұрболат компанияның «Djl Т50 Agras» маркалы ауыл шаруашылығы ДРОН-ын аудан шаруаларына кеңінен таныстырып, жұмыс жасау механизмін тәжірибеде көрсетті.
Бұл жиынға белсенді органикалық тыңайтқыш өндіретін компаниялардың өкілдері де қатысып, егін шаруашылығына пайдалы көптеген белсенді органикалық өнімдерін шаруаларға таныстырды.
Атаулы көрмеге жиналған шаруалар мен кәсіпкерлер өз қызығушылықтарын білдіріп, пікірлерімен бөлісіп, сұрақтарына жан-жақты жауап алды. Алдағы уақытта осы техникаларды тұтынуға ниеттері бар екендерін де жасырмай айтты.
