Түркістан облысы бойынша ауа райы күрт суып Түлкібас және Төлеби аудандарында қар жауды. Осыған орай «Оңтүстік жолдары» КММ құрамы жедел жұмыс тобын ұйымдастырып, 16 жұмысшы және 5 дана техника облыстағы маңызы бар автомобиль жолдарын қардан тазалау және инертті материалдарды шашу жұмыстарын атқарды.
Атап айтқанда, Түлкібас ауданында 93 шақырым жол, ал Төлеби ауданында 75 шақырым жол қардан тазаланды. Сондай-ақ, инертті материалдар себілді. Аталған аудандарда қосымша кезекшілік ұйымдастырылып автомобиль жолдары жіті бақылануда.
