Шымкенттің медицина ұйымдарына 22 жаңа жедел жәрдем көліктері берілді. Жауапты мамандар бұл тұста қала тұрғындарының жыл сайын көбеюін де ескеріп отыр. Бүгінде үшінші мегаполис тұрғындарының саны ресми статистика бойынша 1 244 415 адамды құрады.
Бұл көліктер төртінші шақырту санатына жататын емхалар мен ауруханалардың жедел жәрдем қызметіне берілуде.
Қазіргі таңда қала тұрғындары мен қонақтарына көмек көрсететін Жедел медициналық жәрдем көрсету станциясының 4 филиалы және 10 қосалқы станциясында 106 бригада қызмет көрсетеді. Оның ішінде 28 дәрігер және 78 фельдшер бригадасы бар.
