Шымкент қаласында құқық қорғау органдары есірткіге қарсы қарсы күресті күшейтті. Жыл басынан бері жалпы 9 ай ішінде полиция қызметкерлерімен есірткіге қатысты 443 қылмыстық құқық бұзушылық анықталды. Бұл көрсеткіш қаладағы есірткі айналымының әлі де өзекті мәселеге айналып отырғанын көрсетеді.
Шымкент қаласы Полиция департаменті «Заң мен тәртіп» қағидасын жүзеге асыру мақсатында бірқатар іс-шаралар жүргізуде. Құқық қорғау органдарының басты міндеттерінің бірі – заңсыз есірткі айналымының жолын кесу, нашақорлыққа қарсы күресті күшейту және тұрғындардың қауіпсіздігін қамтамасыз ету болып табылады.
Жергілікті полиция қызметкерлері есірткі қылмыстарына қарсы арнайы жедел-іздестіру іс-шараларын ұйымдастырып, есірткі заттарын заңсыз сатушылар мен тұтынушыларды анықтау бойынша жұмыстар жүргізуде. Сонымен қатар, полиция есірткіге қарсы білім беру және алдын алу жұмыстарын да жүйелі түрде жүргізуде, тұрғындар арасында ақпараттық-насихаттық кездесулер өткізіп, нашақорлықтың салдары мен алдын алу шараларын түсіндіруде.
Құқық бұзушылықтардың алдын алу және есірткі мәселесіне қарсы күрес шараларының нәтижесінде қалада есірткі айналымының біршама төмендеуі байқалуда. Алайда, бұл бағыттағы жұмыстар әлі де жалғасады және полиция қызметкерлері заңсыз әрекеттердің жолын кесу үшін бар күшін салуда.
Оның ішінде, 79 — есірткіні сату, 14 — аса ірі мөлшерде сақтау, 32 — есірткі өсімдіктерін егіп-өсіру, 5 — жарнамалау және насихаттау, 310 — есірткі теріс қылықтары бар. Заңсыз айналымнан 350 кг-нан астам түрлі есірткі заттары тәркіленді. Оның 30 кг-ға жуығы синтетикалық есірткілер. Мониторинг нәтижесімен есірткі саудасына қатысты және есірткі қылмысына қатысуға тартатын 1628 интернет сайттар, әлеуметтік желі парақшалары мен мессенджерлік каналдар анықталып, бұғаттауға енгізілді. Сондай-ақ, интернет желісінде қылмыстық әрекеттерде пайдаланылған 1710 банк есепшоттары анықталып, барлығы бұғатталып, жалпы 47 млн теңге заңсыз қаражатқа шектеу қойылды.
Шымкент әкімдігі мен құқық қорғау органдары тұрғындардың қауіпсіздігін қамтамасыз ету, нашақорлықпен күрес және қоғамда заңның үстемдігін орнату үшін бірлесе жұмыс жүргізуде. Әрбір азамат есірткі заңсыз айналымының алдын алуда өз үлесін қосуға шақырылады, ал полиция қызметкерлері заң аясында қылмыстарды анықтау және қылмыскерлерді жауапкершілікке тарту жұмыстарын жалғастыра бермек.
