Түнгі клубтар, барлар мен дәмханалар құқық қорғау органдарының ерекше бақылауына алынды. 2024–2028 жылдарға арналған Қоғамдық қауіпсіздікті қоғаммен әріптестікте қамтамасыз ету тұжырымдамасын іске асыру жоспарына сәйкес, Шымкент қаласы Полиция департаментінде ойын-сауық орындарында тіркелген құқық бұзушылықтар туралы «102» арнасына түскен шағымдар мен хабарламалар талданды.
Мақсат — тек жекелеген фактілерді анықтау емес, көпшілік демалатын орындарда қылмыстар мен құқық бұзушылықтардың алдын алуға бағытталған жүйелі тәсіл қалыптастыру. Қай жерлерден жиі сигналдар түседі?
Ағымдағы жылдың 9 айында ең көп хабарламалар Шымкент қаласынан келіп түсті. Өткен жылдың осындай кезеңімен салыстырғанда шағымдар аздап азайғанымен, кейбір орындар полиция шақыру саны бойынша тұрақты түрде «көш бастап» келеді.
Мысалы, Мангельдина көшесінде орналасқан «Dicoco» клубынан осы кезең ішінде 69 шақырту тіркелген. Көптеген оқиғалар төбелес, дене жарақаты, әкімшілікпен жанжал және ұрлық фактілерімен байланысты. Бірнеше дерек қылмыстық құқық бұзушылық ретінде тіркелді.
«Аризона» барынан — 66 хабарлама түскен. Мұнда да төбелес, агрессивті келушілерге шағымдар, жанжалдар және есірткіге қатысты деректер тіркелген.
