Мемлекет басшысының тапсырмасымен әзірленген «Келешек» бағдарламасы бірыңғай ерікті жинақтау жүйесі жастарға болашақта жоғары білім алуға және баспана мәселесін шешуге мүмкіндік беретін жоба. Бағдарлама балалардың болашақта жоғары оқу орнында білім алуына немесе кәмелетке толғаннан кейін үй сатып алуы үшін еліміздегі кез — келген екінші деңгейлі банктерде немесе сақтандыру компанияларында 5 жастан бастап қажетті қаражатты жинауға мүмкіндік береді.
Бүгінде Түркістан облысына қарасты Ордабасы ауданында «Келешек» бағдарламасы аясында жастардың болашаққа сенімді қадам басуы үшін ерекше жұмыстар жүргізілуде. Бұл бағдарлама арқылы жастардың жоғары білім алуы мен баспана мәселесін шешуге бағытталған бірегей жобаның іске асырылуы аудан көлемінде кеңінен қолдау тауып отыр.
Аудан әкімшілігі мен жергілікті даму бөлімдері «Келешек» бағдарламасын насихаттау және тұрғындардың қатысуын арттыру үшін арнайы іс-шаралар ұйымдастыруда. Атап айтқанда, мектептер мен колледждерде ақпараттық түсіндірме жұмыстары жүргізіліп, жастар мен олардың ата-аналарына бағдарлама туралы толық мәлімет беріледі.
Ордабасы ауданында бағдарламаға қатысушылар саны артып келеді. Жас азаматтар мен олардың ата-аналары бұл жобаға қызығушылық танытып, болашақта жоғары білім алуға немесе өз үйін сатып алуға қажетті қаражатты жинау мүмкіндігін пайдаланып жатыр. Сонымен бірге, аудан әкімдігі жастарға арналған кеңес беру орталықтарын ашып, олардың қаржыны тиімді басқару мен жинақтау туралы кеңес береді. Айта кетерлігі, жергілікті тұрғындар арасында «Келешек» бағдарламасының маңыздылығы мен артықшылықтары кеңінен түсіндірілуде. Аудан тұрғындары бұл жоба арқылы болашаққа сенімді қадам басып, өздерінің және ұрпақтарының өмірін жақсартуға зор мүмкіндік алуда.
Қорытындылай келе, Ордабасы ауданында «Келешек» бағдарламасы бойынша атқарылып жатқан жұмыстар жастардың білім алуына және тұрғын үй мәселесін шешуіне бағытталған маңызды қадамдар болып табылады. Бұл жобаның әрі қарай да дамып, кеңейе беруі тұрғындардың өмір сапасын арттыруға зор үлес қосары сөзсіз. Бұл жүйе қаржылық сауаттылықты арттырумен қатар, студенттердің өз мамандығын саналы түрде таңдауына ықпал етеді.
