Байзақ аудандық соты бөтеннің мүлкін қасақана жою немесе бүлдіру фактісі бойынша М.-ға қатысты әкімшілік құқық бұзушылық туралы істі қарады (ӘҚБтК 147-1-бабының 1-бөлігі). Сот 2025 жылғы желтоқсанда азамат М. «Сарыкемер-Түймекент-Ақшолақ» тас жолында пневматикалық мылтықтан оқ атып, «Сергек» бұзушылықтарды автоматты түрде тіркеу камерасына қасақана зақым келтіргенін анықтады. Оның әрекеті нәтижесінде «І.» ЖШС-не материалдық шығын келтірілді.
Сотта құқық бұзушы өзінің кінәсін толық мойындап, келтірілген залалдың ішінара өтелгені туралы хабарлады. Жәбірленуші тарап залал толық көлемде өтелмегенін көрсетті. М.-нің кінәсі хаттамамен, полицияның хабарламасымен, жәбірленушінің жазбаша арызымен және құқық бұзушының айғақтарымен дәлелденді. Сот кінәні мойындауын жеңілдететін мән-жай ретінде таныды, ауырлататын мән-жайлар анықталған жоқ.
ӘҚБтК 147-1-бабы 1-бөлігінің санкциясы 50 АЕК мөлшерінде айыппұл салуды не 5 тәуліктен 20 тәулікке дейінгі мерзімге әкімшілік қамаққа алуды көздейді. Сот қаулысымен М. ӘҚБтК 147-1-бабының 1-бөлігі бойынша кінәлі деп танылып, оған 196 мың теңге көлемінде айыппұл тағайындалды. Қаулы заңды күшіне енді.
