Түркістан облысы Сайрам ауданы аумағында қоғамдық тәртіпті сақтау және жол қауіпсіздігін қамтамасыз ету мақсатында кезекті рейдтік іс-шара ұйымдастырылды.
Шара барысында полиция қызметкерлері жол-көлік оқиғаларының алдын алу бағытында жүргізушілерге түсіндіру жұмыстарын жүргізді. Атап айтқанда жылдамдықты шектен тыс асырмау, қауіпсіздік белдігін тағу және жол қозғалысы қағидаларын сақтау қажеттігі ескертілді.
Рейд нәтижесінде жалпы 450-ге жуық құқық бұзушылық анықталып, әкімшілік шара көрілді.
Атап айтқанда көлік құралын пайдалану қағидаларын бұзған – 74, жылдамдықты белгіленген мөлшерден асырған– 31, көлік құралын заңсыз қайта жабдықтаған 12,
Көлік құралын пайдалану талаптарын бұзған – 21, тиісті құжаттарсыз басқарған – 12 жайт тіркелді.
Мәселен Ақсукент ауылының көшелерінің бойында «ВАЗ-2107» маркалы автокөлік заңсыз қайта жабдықталғаны үшін тоқтатылды. Жүргізушіге қатысты әкімшілік шара қолданылып, айыптұрағына жеткізілді.
Полиция қызметкерлері жол қозғалысы ережелерін сақтау – әрбір жүргізушінің міндеті екенін еске салып, мұндай профилактикалық іс-шаралар алдағы уақытта да жалғасатынын хабарлады.
