Белгілі әнші, сазгер Ержан Серікбаевті еске алу мақсатында туған жері Арыс қаласында концерттік кеш өтті. Аталған кешке Оңтүстіктің белгілі өнер жұлдыздары қатысып, әннен шашу шашты.
Бақытжан Ауданбаев- ақын, Ержанның досы: «Ержансыз оның аулына барып концерт ұйымдастыру өзегіңді өртейді екен. Әрине, Алланың ісіне амал бар ма? Досымыздан ойламаған жерден мәңгілікке айырылып қаламыз деп кім ойлапты. Концерттік кеш жақсы өтті. Әншілеріміз Ержанның әндерін орындады. Ержанның өнеріне табынушы халық өте көп жиналды. Ендігі біздің қолымыздан келетіні тек Ержанның әруағына құран бағыштап, оның әндерін халықтың есінен шығармау.»
Ал өнер ордасы Алматы қаласынан эстрадамыздың жарық жұлдыздарын шақырмаудың өзіндік себебі бар дейді Ержан Серікбаевтің жары Камиля ханым. Алматы қаласындағы еске алу кеші Ержан Серікбаевтің жылдық асына жоспарланып отырғанға ұқсайды.
