Оңтүстікқазақстандық кәсіпкерлер мен депутаттар Нидерландыда болып қайтты.
ҚР сыртқы істер министрлігінің баспасөз қызметі хабарлағандай ақпанның 28 мен наурыздың 3- аралығында Оңтүстікқазақстандық делегация Нидерланды Патшалығына іс сапармен барып қайтты. Делегация құрамында облыстық мәслихаттың депутаттары, аграрлық сектордың басшылары, құс , өсімдік, жылы жай, балық және өзге бағыттағы шаруашылықтарының жетекшілері бар.
Шараның мақсаты голландиялық озық технологияларымен танысу және тәжірибе алмасу. Сондай-ақ екі елдің кәсіпкерлері арасындағы серіктестікті нығайту. Амстердамдағы индустиялды клубында бизнес кездесулер өтті. Іс сапардың қорытындысы бойынша екі жақ талқыланған міндеттер практикаға ұласады деген сенім білдірді.
