Жақында Сайрам ауданында орналасқан «Мейір» ардагерлер үйінде болып демалдым. Өзім құралпы жан-жақтан жиналған замандастарыммен танысып, қауқылдасып, сырласып дегендей, бір жасап қалдық.
Жақында Сайрам ауданында орналасқан «Мейір» ардагерлер үйінде болып демалдым. Өзім құралпы жан-жақтан жиналған замандастарыммен танысып, қауқылдасып, сырласып дегендей, бір жасап қалдық.Осылайша Жетісайдан келген Тілеу Әмисова, Бәйдібек ауданынан келген Мария Бектаева, Шардарадан Патшакүл Батырбекова, Мырзакенттен- Күміс Әсілханова, Төлеби ауданы, «Сұлтан Рабат» ауылынан келген Сұлтан Мырзамұратов, түркістандық Тасболат Бердібеков, шардаралық Кенбай Ақбаев, «Ақдала» ауылынан келген Ілес Қостаев, Созақтан келген Ергеш Оспанов, Пернебек Батырбеков атты замандас-тарыммен танысып, аз күнде аралас-құралас болып кеттік.Ең бастысы біздерге, ардагерлерге осындай жағдай жасап, емдеп, жылы сөздерін арнап, сапалы қызмет көрсеткен «Мейірдің» мейірімді қыздарына риза болдық.Білгеніміздей ардагерлер үйі 190 орынға лайықталған екен. Мекеме директоры Ақмарал Нұрланқызы жас та болса талапшыл, өз ісіне жауапкершілікпен қарайтын білікті азамат екен.
