Орталық коммуникациялар қызметінің облыстық филиалында Оңтүстік Қазақстан мемлекеттік педагогикалық институтының ректоры Оңалбай Аяшев өзі басқарып отырған жоғары білім ордасындағы қолға алынған жаңашылдықтары бойынша брифинг өткізді.
Ректордың мәлімдеуінше, былтырғы түлектер 100 пайыз жұмысқа орналасқан. Студенттер оқу ордасына тиелісі 3 жатақханаға толығымен жайғастырылған. 23 бағыт бойынша кадрларды даярлайтын интитутта студенттерге білім беру, бос уақытысын тиімді пайдалану жүйеге қойылған.
Алдағы жоспарларға тоқталған басшы жоғарғы оқу орнында қазақ, орыс, ағылшын тілінен бөлек қытай тілін де меңгеруге бағытталған оқу бағдарламасы әзірленіп қойылғанын айтты.
