Оңтүстіктегі мектептерде өрт қауіпсіздігі сақталмаған. Төтенше жағдай департаментінің қызметкерлері рейд барысында 189 білім ұясында болып, өрт қауіпсіздігінің ережелерін тексерді.
Нәтижесінде 1311 кемшілік анықтаған. Мемлекеттік мекемелерде өрт қауіпсізідігін сақтайтын құрылғылар жетіспейді. Ең сорақысы – электр сымдары дұрыс тартылмаған.
Анықталған кемшіліктер бойынша жауапты мамандарға 165 ескерту жасалып отыр. Бұған қоса мемлекеттік мекемелер қауіпсіздікке қырын қарағаны үшін 5,5 млн теңгеге жуық айыппұл төлейтін болды. Өрт қауіпсіздігі сақталмаған білім ұялары жаңа оқу жылына дейін кемшіліктерді түзеуі тиіс. Төтеншеліктердің талабы орындалмаса, оқушыларды қабылдау екі талай болмақ.
