Шымкентте адам қаққан көлік жүргізушісі оқиға орнынан қашып кетпек болды. Бұл туралы ішкі істер департаментінің өкілдері хабарлайды.
Түнгі сағат 22 шамасында Темірлан тасжолының бойында БМВ көлігінің жүргізушісі жаяу жүргіншілер өткелінде жас қызды қағып кеткен. Соның салдарынан жарақат алған 19 жастағы қыз жедел жәрдем ауруханасына жеткізілді.
Жарақат алған қыздың жағдайы қазір бірқалыпты дейді дәрігерлер. Ал 22 жастағы жүргізуші – Отырар ауданының тұрғыны оқиға орнынан қашып кетіп, бірақ, жауапкершіліктен қорыққанынан қайтып келіпті. Қазір оның үстінен іс қозғалды.
