Шымкентте тексеру жұмыстары кезінде ұрлық жасаған мемқызметші сотталды

498
Фото inform.kz

Шымкентте 288 шөлмек ұрлаған Мемлекеттік кірістер басқармасының қызметкері сотталды. Ол қылмысын кезекті тексеру кезін жасағаны, деп хабарлайды ҚазАқпарат.

Басқарманың бас маманы Шымкенттегі арақ-шарап қоймаларының бірінде акцизді маркалардың сәйкестігін анықтау мақсатында тексеру жүргізген. Осы сәтті пайдаланып ол қоймадағы ішімдіктерді қолды еткен. Алайда оның ұрлығы артынша-ақ әшкере болды.

Нәтижесінде қызметкердің үстінен Қылмыстық кодекстің 361 бабы 2 бөлігімен іс қозғалып, тергеу кезінде қылмысы дәлелін тапқан. Сот оны бір жыл шартты мерзімге соттау туралы үкім шығарды. Сондай-ақ ол мемлекеттік қызметте 5 жыл бойына жұмыс істеу құқынан айырылды.