«Тек игерілмей жатқан жер емес, тиімсіз пайдаланылып жатқан жерлерді де реттеу керек». Түркістан облысының әкімі Өмірзақ Шөкеев жергілікті кәсіпкерлермен өткізген «галстуксыз» кездесуінде осылай деді.
Өңір басшысымен болған емен-жарқын басқосуда бизнес өкілдерінің қолын байлаған түйіткілдер ортаға салынды. Индустриалды аймақтардағы инфрақұрылым мен энергия ресурстарының жетіспеушілігі сияқты бизнесмендердің ісін артқа тартқан жәйттер де тараптардың назарынан тыс қалмады.
Сондай-ақ, коммуналдық төлемдердің қымбаттауы да қалтаны қағып тұр. Бизнес өкілдері облыс әкіміне екінші деңгейлі банктердің мемлекеттік-жекеменшік әріптестік аясында атқарылатын жобаларға атсалысуын қамтамасыз етуді ұсынды.
Мақпал Рысбаева
