Бала асырап алу үшін электронды кезекке тұруды білесіз бе?

390
Бала асырап алу

Бала асырап алуға ниетті тұлғалардың есебіне онлайн тұруды білесіз бе? «Азаматтарға арналған үкімет» мемлекеттік корпорациясының Шымкент қаласы бойынша филиалы Сіз бен Біз үшін мынадай маңызды ақпараттарды ұсынып отыр.

Егер Сіз тәрбиелеуге бала асырап алуға тілек білдіруші Қазақстан Республикасының азаматы болсаңыз, жолдама алу үшін өтінішпен бірге тиісті құжаттарды онлайн ұсынуыңыз қажет. Бұл қызмет тек электронды үкімет порталында көрсетіледі.

 Ол үшін:
– Порталда ресми тіркеуден өтіп, «Онлайн сұратым» батырмасын басыңыз.
– Өтінімді толтырып, ЭЦҚ-мен қол қойған соң өтінімге құжаттарды бекітесіз.

Құжаттар тізімі:
– жақын туыстарының бала асырап алуға арналған жазбаша келісімі;
– жиынтық табыс мөлшері туралы анықтама (жұмыс орнынан жалақысы туралы, кәсіптік қызметтегі табысы және бірге тұратын барлық отбасы мүшелерінің өзге де табыстары туралы анықтама);
– отбасы жағдайы туралы анықтама (некеге тұру/бұзу туралы куәліктің көшірмесі, балалары болса туу туралы куәліктерінің көшірмесі);
– азаматтардың денсаулық жағдайы туралы анықтама және наркологиялық және психиатриялық диспансерлерде тіркеуде тұрғандығы туралы мәліметтің жоқтығы туралы анықтама;
– тұрғын үймен пайдалану құқығын дәлелдейтін құжаттардың көшірмесі (тұрғын үй мүлікке құқығы жоқ жағдайда);
– Жеке кабинетте «Қызметтерді алу тарихы» бөліміне 10 жұмыс күні ішінде үміткер болу мүмкін/мүмкін емес деп қортынды хабарлама келеді.

Мөлдір Бекеева