Дәрігерлер көпбалалы отбасыларға көмек бермек

168

Алматы қаласындағы А.Сызғанов атындағы Ұлттық ғылыми хирургия орталығының білікті мамандары, уролог-трансплантолог Ернұр Белгібаев пен Ельшад Набиев Отырар ауданының тұрғындарына дәрігерлік кеңес беруде. Білікті мамандар екі күн бойы Отырар ауданының тұрғындарын қабылдап, көмек көрсетеді.

Тәжірибелі мамандар несеп-тас ауруы, қуық асты безінің қатерсіз гиперплазиясы, қуық тас ауруы, бүйрек ісігі, қуық ісігі, бүйрек кистасы, бүйрек жетіспеушілігі секілді аурулар бойынша науқастарды медициналық тексеруден өткізеді.

Осылайша Отырар ауданында туып-өскен азаматтар жерлестеріне көмек қолын созып, қамқорлық көрсетуде. Ал, медициналық кеңес беруден түскен қаржыны осы аудандағы әлеуметтік аз қамтылған және көпбалалы отбасыларға табыстауды ниет етіп отыр.

QAINAR KÓZТүркістан облысы әкімінің баспасөз қызметі