Тауда адасқан екі туристті іздеуге Өзбекстанның құтқарушылары қосылды

101

Түркістан облысының тауларында адасқан екі туристті іздеуге Өзбекстанның құтқарушылары қосылды. Олар Өгем өзенінің әр метрін Чарвак су қоймасына құятын жерге дейін тексереді.

Ерік Сарыбаев, Түркістан облысы ТЖД бастығының орынбасары: «Қазіргі уақытта ТЖД, ПД, әскери гвардия күштері, кинологиялық есеп жұмылдырылған. Өзара іс-қимыл жоспарына сәйкес Ташкент облысында іздеу жұмыстары жүргізілуде, іздеу жұмыстары үздіксіз жалғасады».

Іздеу операциясы 25 мамырда басталды. Туыстары жеті жас жігіттен тұратын топ Сары-Айғыр шатқалына жаяу кеткенін хабарлаған. Олар үш күннен кейін оралатындарын айтқан. Құтқарушылар аумақты аралау кезінде үшеуін аман-есен тапты. 29 мамырда Өгем өзенінде құтқарушылар жоғалған туристер тобының қайтыс болған қатысушысының денесін тапты, екінші жас жігіттің денесі үш шақырым жерден табылды. Қаза тапқан Назарбаев университетінің студенттері Абылай Тоқтасын мен Әлімжан Хайруллин.

Назарбаев университетінің 22 жастағы студенті Нұрдәулет Наурызбай мен Кентау лицей-интернатының 17 жастағы түлегі, қаза тапқандардың бірінің інісі Қуаныш Тоқтасыновты іздеу жұмыстары жалғасып жатыр. Іздеу операциясына қатысатын кәсіби альпинистің айтуынша, жастар өзеннің қатты ағынын еңсере алмаған.

Шамиль Рафиков, альпинизм нұсқаушысы: «Менің ойымша, бұлар суға батып кеткен, басқа ешқандай нұсқалар жоқ. Шамасы, олар шатқалмен жүріп өткенде, өзеннің оң жағында, әрі қарай жүруге мүмкіндік бермейтін таужыныстар және олардың ойынша жалғыз жол өзеннен өту болды, ал екінші жағында өтуге болатын тегіс жер бар. Өзенді кесіп өту қате шешім болған. Алдамшы өзен, ені 5-6 метр, бірақ өте дауылды ағын бар».

Жоғалғандарды құтқарушылар, полиция, шекарашылар, ұлттық парк қызметкерлері және туыстары іздестіріп жатыр. Олар 350 шақырымды жүріп өтті. Іздеуге ТЖМ екі тікұшағы да тартылған. Туыстары ұлдарын дін аман табудан үміт үзбейді.

Олжас Айдарбек