Ел бойынша тек Түркістан өңірі ғана «жасыл» аймақта болғанымен, ақ халаттылар арқаны кеңге салуға болмайды дейді. Себебі күн сайын тәжівирусын жұқтырғандар әлі де бар.

Ал облыстың бас мемлекеттік санитарлық дәрігерінің орынбасары індетті жұқтырғандардың басым бөлігін вакцина салдырмағандар мен карантиндік талаптарды сақтамай көпшілік орындарға барғандар құрайтынын жеткізді.

Асқар Ысқақов, Түркістан облыстық санитариялық-эпидемиологиялық бақылау департаменті басшысының орынбасары: «Бүгінгі күні облыста ауырып үй карантиніне жатқызылған азаматтар, жауапкершілікті сезінбестен қоғамдық орындарға шығу фактілері жиілеуде. Мәселен, 1 тамыз күнінен бері «Ashyq» бағдарламасының көмегімен 171 карантин талаптарын бұзған азаматты анықтаса, оның 94-і «қызыл» статуспен қоғамдық орындарда қолға түскен. Карантин режимін бұзып жұмыс істеген объектілерге және жеке тұлғаларға 4000-ға жуық әкімшілік хаттама толтырылып, 224 млн. теңге айыппұл салынды».

Айта кетейік, облыс бойынша пандемия басталғаннан бері «COVID-19» індетімен тіркелген жағдайлар саны 12 мыңнан асты. Оның 10 мыңнан астамы жазылып шықса, 64-і қайтыс болған.

Мөлдір Ибадуллаева