«Қазіргі таңда WhatsApp мессенджерінде Шымкент қаласы әкімінің орынбасары Сәрсен Құранбектің атынан хабарлама жіберіліп жатыр. Бұл — жалған! Хабарламаларды интернет алаяқтары жіберуде. Жалған хабарламаларға сенбеулеріңізді, жауап бермеулеріңізді, ақша аудармауларыңызды және күмәнді сілтемелерге өтпеулеріңізді сұраймыз». Бұл туралы Өңірлік коммуникациялар қызметі хабарлап отыр.
«Егер сізге қала әкімінің орынбасары атынан қоңырау немесе хабарлама түссе, бірақ нөмір жасырын болса, оған мән бермеңіз. Cіздерді сақ болуға және арандатушылыққа бой алдырмауға шақырамыз!», — делінген жазбада.
