Жергілікті дәрігерлер қымбат әрі күрделі отаны іске асырды. Дәл қазір Астанадан келген үздік дәрігер Шымкент қалалық №2 жедел жәрдем ауруханасында инсульттың алдын алу мақсатында ми қантамырларына ота жасап, шеберлік сабақтарын өткізіп жатыр.
Мамандар операция барысын онлайн жүйесінде бақылап, біліктіліктерін шыңдауда. Айта кетейік, отаға қажетті құрал-жабдықтар былтыр Америкадан арнайы алыныпты. Отаның бұл түрін әзірге жергілікті дәргерлердің 2-і ғана меңгерген. Құны 3,5 миллион теңге тұратын бұл операция үшін бұрын науқастар Астана мен Алматыға баруға мәжбүр еді.
