Оңтүстік Қазақстан облыстық ішкі істер департаментінде жыл сайынғы дәстүрге айналған үздік полиция қызметкерлерін марапаттау рәсімі болып өтті. Олар – өз қызметтік міндеттерін орындау барысында және спортта жетістікке жеткен қызметкерлер, деп хабарлайды департаменттің баспасөз қызметі.
Іс-шараның мақсаты – кәсібилікті одан әрі жетілдіру, жас полицейлерді тәрбиелеу, департаменттің жеке құрамын материалдық және моральдық ынталандыру. Салтанатты рәсімге департаменттің басшылығы және жеке құрам қатысты. ОҚО ІІД-нің бастығы, полиция генерал-майоры Асқар Шуашұлы Оспанов еңбегі еленген тәртіп сақшыларын мерекелерімен құттықтап, үздік қызметкерлерді марапаттады.
Сонымен, үздік қызметкерлер 11 номинация бойынша марапатталды. Олар:
«Үздік басшы қызметкер» номинациясы бойынша Әл Фараби ПБ-нің бастығы, полиция полковнигі Жалғасов Нұрмахан Тоғайбайұлы;
«Үздік жедел уәкіл» номинациясы бойынша Сарыағаш АІІБ-ның аға жедел уәкілі, полиция подполковнигі Джигитов Бекболат Есіркепұлы;
«Үздік тергеуші» номинациясы бойынша Әл Фараби ПБ-нің аға тергеушісі, полиция майоры Қарсыбаев Ерғали Рахманбердіұлы;
«Үздік анықтаушы» номинациясы бойынша Сарыағаш АІІБ-ның анықтаушысы, полиция аға лейтенанты Балғанов Абай Жанбырбайұлы;
«Үздік криминалист» номинациясы бойынша Қазығұрт АІІБ-нің аға криминалисті, полиция майоры Қалмұрзаев Мұхтар Қожабергенұлы;
«Үздік учаскелік полиция инспекторы» номинациясы бойынша Түлкібас АІІБ-нің учаскелік полиция инспекторы, полиция капитаны Құрманбай Қолғанат Мадиярұлы;
«Үздік көші-қон полиция инспекторы» номинациясы бойынша ОҚО ІІД көші-қон полиция басқармасының инспекторы, полиция майоры Горбатенко Марина Борисовна;
«Үздік жол-патрульдік полиция инспекторы» номинациясы бойынша Шымкент ҚІІБ жол-патрульдік полиция полкінің полицейі, полиция сержанты Өмірбеков Ынтымақ Бекжігітұлы марапатталды.
Мұнымен қоса спорттық жарыстарда департамент намысын қорғап, чемпион атанып жүрген полицейлер де назардан тыс қалмады.
Шымкент ҚІІБ жол-патрульдік полиция полкінің полицейі, полиция кіші сержанты Есен Самат «Үздік палуан» номинациясымен;
Сайрам АІІБ көші-қон полиция бөлімінің инспекторы, полиция капитаны Маймақов Нұрболат Базарбайұлы «Үздік футболшы» номинациясымен;
ОҚО ІІД ӘПБ-ға қарасты жол-патрульдік полиция батальонының қызмет жөніндегі инспекторы, полиция аға лейтенанты Анарқұлов Медет Нұралыұлы «Үздік волейболшы» номинациясымен марапатталды.
