Шымкентте түн ішінде «ГАЗель» өртенді

274
ГАЗель өртенді

Шымкентте түн ішінде «ГАЗель» жүк көлігі өртенді. Бұл жайында суыт хабар өрт сөндіру қызметінің кезекшісіне сағат 03:13-те түскен.

ГАЗель өртенді

Қоңырау шалғандар 1 Мамыр көшесінде бортты «ГАЗель» көлігі жанып жатқанын айтады. Оқиға орнына дабыл бойынша екі өрт сөндіру бригадасы аттанған. Құтқарушылар жедел қимылдап, сағат 03:45-те көлікті сөндірді.

ГАЗель өртенді

Бұдан кейін полиция қызметкерлерімен бірге сол маңдағы сыртқы бейне-бақылау камерасының жазбасын көрген көлік иесі «ГАЗельге» түн ішінде белгісіз біреудің мінбек болған байқайды. Ол көлікті ұрламақ болса керек. Ары-бері әрекеттеніп, ішке кіре алмаған адам соңында кабинаның терезесін сындырып кіреді. Сөйтіп, шағын жүк көлігін оталдырмақ болғанымен, онысынан түк шықпаған.

Камера жазбасынан скриншот
Камера жазбасынан скриншот

Қазір көлік иесі белгісіз адам оталдыру үшін «ГАЗельдің» тоқтарын бір-біріне жалғауы мүмкін деп болжап отыр. Себебі, өрт сөндіру қызметінің анықтаушылары ұшқын қысқа тұйықталудан шыққан деген мәліметті тексеруде.