Шымкент қаласы әкімдігінде Қазақстан Республикасының конституциясы күніне арналған салтанатты іс-шара өтті. Меркелік шарада шаһар басшысы Ғабидолла Әбдірахымов барша әкімдік қызметкерлерін ата заң күнімен құттықтады.
Қазақстанның ата заңы тәуелсіздігіміздің ажырамас бөлігі және елдегі қоғамдық-саяси жүйенің негізі, қоғамымыздағы тұрақтылықтың кепілі деген Ғабидолла Рахматоллаұлы салтанатты түрде қаламыздың азамат жасына толған жастарына жеке куәлік табыстады. Ал мемлекеттік қызметке қадам басқан мамандар ата заңға адал болуға серт етіп, ант қабылдады.
Іс-шара соңында отаншылдық тақырыптағы патриоттық әндер шырқалып, концерттік бағдарламаға ұласты.
