Тұрғындарды толғандырған мәселе талқыланды

170

ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің бастамасымен сыбайлас жемқорлыққа қарсы саясатты жан-жақты түсіндіру, сондай-ақ халық арасындағы түрлі мәселелерді анықтау мақсатында лекторлық топтың Шымкент қаласы Қаратау ауданының тұрғындармен кездесуі өтті.

Лекторлық топтың құрамы әлеуметтік-маңызды салаларға (әлеуметтік қорғау, білім беру, денсаулық сақтау, ТКШ және құқық қорғау органдары) назар аудара отырып, түрлі мемлекеттік органдардың өкілдерінен құрылды.

Іс-шара ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің бас маманы Ж.Әлжанованың, Сыбайлас жемқорлыққа қарсы іс-қимыл ұлттық бюросының (Сыбайлас жемқорлыққа қарсы қызмет) Шымкент қаласы бойынша департаментінің өкілі С.Төлбасиевтің, «Шымкент – адалдық алаңы» жобалық кеңсесінің басшысы Е.Төлебаевтың, Қаратау ауданы әкімі аппаратының басшысы-А. Парманов пен қаланың басқа да мемлекеттік органдарының өкілдерінің қатысуымен өтті.

Шымкенттіктермен диалог барысында күнделікті тіршілікте кездесетін мәселелер көтерілді, атап айтқанда, Қайнар бұлақ тұрғын алабының тұрғындары жол, медициналық қызмет көрсету сапалары мен мүгедектік бойынша жәрдемақылар және т.б. мәселелерді көтерді.

Мемлекеттік қызметшілердің қоғам өкілдерімен face to face форматындағы диалогтық алаңы тұрғындарға оларды толғандыратын сұрақтарға жауап алуға мүмкіндік берді, сондай-ақ проблемаларды шешуде бірлескен тәсілдер талқыланып, әзірленді.
Кездесу барысында халыққа Сыбайлас жемқорлыққа қарсы іс – қимыл туралы ұлттық баяндаманың негізгі ережелері мен ұсыныстары баяндалды, сондай-ақ «Шымкент-адалдық алаңы» жобалық кеңсесінің жұмысы таныстырылды.

Іс-шара соңында қатысушыларға QR-коды және жобалық кеңсенің байланыс деректері бар ақпараттық брошюралар таратылды.

Айта кетейік, лекторлық топтың Абай ауданының тұрғындарымен кездесуі ағымдағы жылдың 14 мамырында өтеді деп жоспарлануда.