Шымкентте екі күнде 7 жағдай тіркелді

71

 

Шымкент қаласында коронавирус жұқтыруға қатысты 8 сәуірде – 3, 9 сәуірде – 4 жағдай тіркелді.

Бұл науқастардың барлығы вирус анықталған 48 жастағы азаматша мен 26 жастағы азаматтың тығыз байланыста болғандар.

Аталған науқастар стационарлық карантинде медициналық қызметкерлердің бақылауында болған. Инфекцияны анықтау бойынша жүргізілген зертханалық тексеруден COVID-19 сынамасы оң нәтиже көрсетті.

Науқастардың жағдайлары қанағаттанарлық, барлығына бекітілген хаттамаларға сәйкес қажетті ем жүргізілуде.

Ауруға шалдыққандар арасында 2 және 14 жасар 2 бала мен 23-55 жас аралығындағы 5 адам бар. Осы азаматтармен байланыста болған 81 адам оқшауланып, медициналық бақылауға алынды.

Ошақтарда науқастардың тұрғылықты жері бойынша дезинфекция жүргізіліп, карантинге жабылды.

Шымкент қаласы бойынша қосымша 3 ошақ тіркелді. Олар: Солтүстік-Батыс шағынауданындағы Үшқиян көшесі, Қайтпас-1 шағынауданындағы Алтай көшесі және Сайрам тұрғын алабындағы Әл-Фараби көшесі.

Қазіргі таңда Шымкент қаласында коронавирус инфекциясына шалдыққан 27 тұрғын тіркелген.