Қазақстан Республикасы Президенті Қасым-Жомарт Тоқаевтың 2025 жылғы Жолдауында ауылдарды абаттандыру, тал егу және тазалықты сақтау мәселелері ерекше назар аударылды. Елдің әлеуметтік-экономикалық дамуының маңызды бөлігі ретінде ауылдардың көркеюі мен экологиялық жағдайын жақсарту – стратегиялық міндеттердің бірі болып табылады.
Қазақстанның ауылдары – еліміздегі негізгі шаруашылық аймақтар, халықтың көпшілігі тұратын әрі мәдениеттің, дәстүрдің сақталу ошағы. Президент Қасым-Жомарт Тоқаевтың Жолдауында ауылдардың инфрақұрылымын жаңғырту, экологиялық жағдайын жақсарту және тұрғындардың өмір сүру деңгейін көтеру мәселелері ерекше қамтылды. Бұл бағытта атқарылатын жұмыстардың маңызы зор, себебі таза, жайлы әрі жасыл ауылдар – елдің болашағының кепілі.
Абаттандыру – ауылдарды көркейту мен жайландырудың негізгі құрамдас бөлігі. Бұл жұмыс аясында негізгі көшелер, аулалар мен қоғамдық орындар жөнделіп, жарықтандыру, жол салу сияқты шаралар жүзеге асырылуда. Ауылдарда жаңа әлеуметтік нысандар мен ойын алаңдары ашылып, тұрғындар үшін қолайлы жағдайлар жасалуда. Сонымен қатар, ауылдардың инфрақұрылымын дамыту арқылы тұрғындардың тұрмысын жақсарту және жұмыс орындарын ашу көзделуде.
Тал егу – экологияны қорғау мен жасыл желекті күшейту үшін маңызды іс-шара. Президент Жолдауында әр ауылда ағаш отырғызу акцияларын жүйелі түрде өткізу міндеттелді. Бұл шараның мақсаты – табиғатты қорғау, ауа сапасын жақсарту және ауылдардың әсемдігін арттыру. Сонымен бірге, тал егіп, жасыл желекті көбейту арқылы климаттық өзгерістерге қарсы тұруға мүмкіндік туындайды.
Тазалықты сақтау үшін бүгінде «Таза Қазақстан» акциясы тұрақты түрде ұйымдастырылуда. Бұл экологиялық мәдениетті қалыптастырудың негізгі шарты. Ауыл тұрғындары арасында қоқыс тастау тәртібін қадағалау және экологиялық білім беру жұмыстары жүргізілуде. Жолдауда ауылдарды тазарту мен көркейту ісіне тұрғындардың қатысуы маңызды екені атап өтілді. Бұл – елдің экологиялық қауіпсіздігін қамтамасыз ету мен тұрғындардың денсаулығын сақтау үшін қажет.
Қорытындылай келе, Қасым-Жомарт Тоқаевтың 2025 жылғы Жолдауында ауылдарды абаттандыр – елдің тұрақты дамуының негізгі бағыттары ретінде белгіленді. Бұл шаралар ауылдардың көркеюіне, экологияның жақсаруына және халықтың өмір сүру деңгейін көтеруге зор үлес қосады. Барша азаматтардың ынтымақтаса жұмыс істеп, өз ауылының гүлденуіне атсалысуы – Қазақстанның болашағын жарқын етеді.
Президент Қасым-Жомарт Тоқаев облыстар мен қалалардың әкімдеріне аумақтарды абаттандыру, көгалдандыру жөнінде тапсырма бергені белгілі.
Қасым-Жомарт Тоқаев бұл жұмыстарға тұрғындар мен еріктілерді тұрақты түрде тарту маңызды екенін атап өтті. Президенттің айтуынша, елді мекендер мен қоғамдық демалыс орындарын күтіп-баптау әкімдер қызметін бағалаудың тағы бір өлшемі болмақ.
Түркістан облысына қарасты Бәйдібек ауданы Шаян елді мекенінде абаттандыру және көгалдандыру іс-шаралары аясындағы күзгі тал егу жұмыстары қарқынды түрде жүргізілуде. Бүгін аталған жұмыстардың барысын бақылау мақсатында аудан әкімі аппаратының басшысы Фазылбек Әуен және аудан әкімінің кеңесші-көмекшісі Берік Тұрлыбеков елді мекен аумағын аралап көрді. Мониторинг барысында тал отырғызу, суару және күтім жұмыстарының сапасы тексеріліп, жауапты мамандармен тиісті мәселелер талқыланды. Шаян ауылының әкімі Жамбыл Көрікбаевқа күзгі егу жұмыстарын жандандыру, ағаштардың жерсінуін қамтамасыз ету және атқарылатын жұмыстардың сапасын арттыру жөнінде нақты тапсырмалар берілді. Абаттандыру бағытындағы жұмыстар жоспарға сәйкес жалғасатын болады. Президент тапсырмасы осылайша ауылдық аумақтарда қарқынды түрде жүзеге асырылуда.
