Сенбі күні ауыл шаруашылығы өнімдерінің жәрмеңкесі өтті. Сауда жасауға келген шымкенттіктердің жәрмеңкеге деген ойы әр қилы. Бірі тиімді-қол жетімді бағалар десе , бірі алып сатарлардың табыс көзіне айналған орын деп наразылықтарын білдіруде. Өз өнімдерін жайғастыруға орын таппаған аудандардан келген шаруа қожалықтары бұл бейберекеттікті кім реттейді деп наразылығын да білдіріп үлгерді. Алайда, осы ауылдың өнімі бағаны біршама төмендетуге септігін тигізді. Сиыр еті – 800, жылқы – 1100 теңгеден сатылды. Облыс әкімдігінің Астанада ұйымдастырған жәрмеңкесін тамашалаған қалалықтар сондай шараны өңіріміздің халқына ұйымдастыруға болмас па еді дегендер де болды.
