Жаңалықтар 

Жалған қаржы полицейі ұсталды

Шымкентте жалған қаржы полициясы қызметкері ұсталды. Күштік құрылымның жасанды құжатын алып жүрген — 30 жастағы жергілікті тұрєын. Оны қаладағы көлік жуу орындарының бірінде Абай полиция бөлімінің қызметкерлері жедел іс-шара барысында анықтап, ұстаған. Жалған құжат көлік жуу орнының жұмысшысынан тәркіленді. Бұл куәліктегі азаматтың аты-жөні мен суреті өзінікі болғанымен, құжат қолға түскен жігіттен өзге адамға тиесілі болып шықты. Енді күдікті жалған құжат жасағаны үшін айыпталып отыр. Тергеу амалдары жалғасуда.

Read More
Жаңалықтар 

Өткен жәрмеңкеде пияз, сәбіз және ұн табылмады

Шымкенттегі  Әл Фараби алаңында сенбі күні ұйымдастырылған жәрмеңкеде сатып алушылардың қарасы әдеттегідей қалың болған жоқ. Алдыңғы аптамен салыстырғанда картоп бағасы қымбаттағаны байқалады. Бұрын келісі 70 теңгеден саудаланған өнімнің бағасы 73 теңгег көтерілген. Алайда, жәрмеңкеде тұрақтандыру қорынан босатылатын пияз, ұн және сәбіз сатылмады. Азық-түліктің осы түрін сатып алуға асыққан жұрт қажетін іздеп сабылғаны рас. Сөйтсек, оның басқа себебі бар екен. Орынбасар Әмірбеков, сатушы: «Сәбіз бен пиязды сатудың қажеті қалмады. Өйткені, жергілікті шаруалардың өнімдері базарда біздікінен төмен құнда сатылып жатыр.» Бірақ, сатушының бұл жауабы кейбір сатып алушының көңілінен шыққан жоқ. Олар ұн…

Read More
Жаңалықтар 

15-сәуір — халықаралық мәдениет күні

15-сәуір — халықаралық мәдениет күні. Жуырда Үкімет үйінде Қазақстанның бұрынғы мәдениет министрі Мұхтар Құл-Мұхаммед мәдениет саласының өзекті проблемаларын жайып салған еді. Соның бірі — қызметкерлердің жалақысының аз болуы, екіншісі — мәдениет ошақтарының ахуалы. Тіпті, Юнесконың шешімімен, дүниежүзілік мәдени мұралар қатарына енген Қ.А. Яссауи кесенісінің жағдайы да көпшілікті алаңдатып отыр.  Қожа Ахмет Яссауи кесенесі осыдан 11 жыл бұрын Юнесконың «Мәдени мұра» тізіміне енген. Аты әлемге мәшһүр кесенені кезекті рет жаңғырту жұмыстары өткен жылы басталған еді. 2016 жылға дейін жалғасады делінген. Бірақ сол кездің өзінде жерлестеріміз құрылыстың жүруіне қарсылық білдірді. Батыр Мұхамеджанұлы,…

Read More
Жаңалықтар 

Шымкенттік жастар ғашықтар күнін ерекше тойлады

Оңтүстік Қазақстан мемлекеттік фармацевтика академиясының белсенді студенттері «Қозы Көрпеш — Баян сұлу» күнін атап өтті. Олар бұл іс-шараны жастар көп серуендейтін дендросаябақта ұйымдастыруды құп көріпті. Бір қызығы, қатысушылар алдын ала дайындалмаған. Сол жерде қол ұстасып жүрген жұптардың арасынан таңдалып алыныпты. «Ғашықтар», «Қос жүрек», «Адал махаббат», «Сезім», «Егіз-лебіз» және де «Махаббат» атты атау иеленген алты жұп сайысқа түсті. Әр жұп өзінің сүйіктісі жайлы қаншалықты білетінін сұрақ-жауап сайысы кезінде байқатты. Келесі кезеңде болашақ үйлерінің сызбасын ақ қағазға түсіріп, бейнелеген оларға психолог мамандар баға берді. Сондай-ақ, «Махаббат көпірінен» өтіп, ситуациялық жағдайлардан шығу жолдарын да айтты….

Read More
Жаңалықтар 

Суицидке армия кінәлі емес

Сарбаздың суицидке ұрынуына әскер кінәлі емес. 12 жылдан бері дәстүрлі түрде өтіп келе жатқан әскери психологиялық жиында әскерилер осындай үн қатты. Жалпы, «Оңтүстік» өңірлік қолбасшылығының 4 бөлімінің психологтары бас қосқан жиынға биыл штаттан тыс психологтар да қатысып отыр. Әскерге шақыру қағазы келгеннен-ақ қазір ата-ананың жүрегі сыздайтын болған. Бұған кейінгі кездері әскерде орын алып жатқан зорлық-зомбылық пен суицид секілді қайғылы жағдайлар себеп. Десе де, ә дегеннен барлық жаланы әскерге жабу ағаттық дейді әскерилер. Нұрбай Бектұрсынов, «Оңтүстік» өңірлік қолбасшысының тәрбие жөніндегі орынбасары: «Әскерде қылмыс немесе өрескел жайт орын алса, оның себебін әскерден көреді….

Read More

Жылудың ақысын төледіңіз бе?

«3-Энергоорталықтың» мамандары әкімшіліктің қызметкерлерімен бірге жылуға қарыз тұтынушыларға рейд жасады. Қазынаға түспеген қаржыны өндіру үшін бұл рейдтің аз да болса пайдасы болуы мүмкін. Жылуға қарызы қордаланып қалған үйдің бірі 18-шағынауданда орналасқан. Сондықтан арнайы топ жұмысын осы жерден бастады. Әсия Галеева, «3-Энергоорталық» АҚ-ның маманы: «Мәселен, бір үйде 90 пәтер болса, соның 25-і жылуға қарыз. Осы көп қабатты үйдің өзі жылуға 1 миллион 250 мың теңге берешек.» Алайда «3-Энергоорталық» жүргізген кезекті рейді кезінде қарызды төлеу бойынша пәтер қожайындарының барлығы да баяғы бір жырды «әндетті». Бірі қызының жалақы алуын күтіп жүргенін айтса, екіншісі…

Read More