Шымкент зообағы жаңа жануарлармен толықты. Мұнда жақында Қырғыз елінен күн санап қатары сиреп бара жатқан сілеусін мен тиіндер әкелінді. Аңдардың қарымтасына қырғыздарға біздің бақ Пржевальский жылқысын берген. Бүгінде әлемде сілеусіндердің санаулы түрі қалған. Сондықтан бұл айырбас шымкенттіктер үшін тиімді болып тұр.
Шекара асып келген епті тиіндер келе сала адамдарға тез үйренісіп кетіпті. Сілеусіндер болса келушілерді әлі жатырқайтын көрінеді. Шымкент зообағы директорының орынбасары Латиф Алиев қазір жануарлардың күйзеліс үстінде екенін айтады.
