Табиғи газды мол жаққан «3-энергорталық» АҚ берешегін өтей алмай жатыр. Өйткені кәсіпорын өз кезегінде көп қабатты үй тұрғындарынан жылу ақысын өндіре алмай әлек. Еңбекші ауданындағы бір ғана «Теріскей» шағынауданының жұрты жылу үшін 26 млн теңге қарыз.
Берешекті өндіру мақсатында тұрғындардың ісі сотқа да жолданыпты. Алайда соның өзі нәтиже бермей жатыр дейді мамандар. Естеріңізге сала кетейік, «3-энергоорталық» АҚ-ы өткен жылу беру маусымында көгілдір отын үшін «ҚазТрансГаз Аймақ» мекемесіне 953 млн теңге қарыз.
