Шымкентте халықаралық мобильді медиа-мектеп өз жұмысын бастады. «Тұрақты қаланың даму жолында медиа-ақпараттық сауатты тұрғындар» деп аталатын шара бүкіл әлемдік баспасөз күніне арналған.
Біріккен Ұлттар Ұйымының ақпараттық бюросы мен Шымкент қалалық әкімдігінің ұйымдастыруымен өткізіліп жатқан медиа-мектеп Отырар, Бәйдібек аудандары мен Түркістан және Кентау шаһарларын қоса қамтиды. Оған жергілікті БАҚ өкілдері қатыстырылуда.
