Шымкентте екі көлік соғысып, жанып кетті. Төтенше жағдай Бәйдібек би даңғылы мен Арғынбеков көшесінің қиылысында болған. Мұнда жүк Газелі мен Ауди көлігі соғысып қалды.
Куәлердің айтуынша, екі көлік соғысқан соң екі рет жарылыстың даусы естілген. Одан кейін екі көлік те өртене жөнеледі. Жүргізушілер тездетіп көліктерінен шығып, жалынды өздері өшіруге әрекет жасағанымен, тағы бір жарылыстың даусы естіліпті.
