Шымкент қаласының әкімі күнгейлік ақындарды қабылдады

220

Шымкент қаласының әкімі Ерлан Айтаханов айтыскер ақын Әселхан Қалыбекова бастаған бірқатар ақындармен кездесті.

Кездесу барысында кіл сөз дүлдүлдері айтыс өнері, әдебиет әрі руханият төңірегінде өрелі әңгіме өрбітті. Сонымен қатар, Елбасының «Болашаққа бағдар: Рухани жаңғыру» мақаласында айтылған міндеттерді іске асыру жайын талқылады.

Кездесу барысында тараптар келесі жылы өтетін Әл-Фарабидің 1150 жылдық, Абай Құнанбайұлының 175 жылдық мерейтойлары мен Тәуелсіздіктің 30 жылдығын атап өту жайын сөз етті.

Кездесу соңында ақындар айтыс өнерін дамыту бойынша бірқатар ұсыныстарын айтып, алдағы уақытта Шымкент қаласында айтыс қайта жанданатынына сенімді екендіктерін жеткізді.

 

QAINAR KÓZШымкент қаласы әкімінің баспасөз қызметі