10 қаңтар күні Шымкент қаласындағы базарлардың бірінде шетелдік азамат пен базар күзетшілері арасында жанжал орын алды.
Полицияның мәліметінше, аталған азамат әлеуметтік желілерге жариялау мақсатында видеотүсірілім жүргізген. Ол қатты музыка қосып, саудагерлерді олардың келісімінсіз түсіріп, нарықтағы жұмыс барысына кедергі келтірген. Тілдік кедергіге байланысты сатушылардың ескертулері бірден қабылданбаған.
Бірқатар саудагерлер видеотүсірілімді тоқтатуды және музыканың дауысын азайтуды талап етіп, кейін базардың күзет қызметіне жүгінген.
Алайда тараптар арасындағы сөзге келіспеушілік қоғамдық тәртіптің бұзылуына ұласқан.
Аталған дерек бойынша жанжалға қатысқан тұлғалар ұсталып, полиция бөлімшесіне жеткізілді. Оларға қатысты ұсақ бұзақылық фактісі бойынша әкімшілік іс қозғалды.
Материалдар сотқа жолданып, тиісті процессуалдық шешім қабылданатын болады. Сондай-ақ оқиғаға қатысқан барлық тараппен профилактикалық түсіндіру жұмыстары жүргізіліп, азаматтарды олардың келісімінсіз бейнетүсірілім жасауға және қоғамдық тәртіпті бұзуға жол берілмейтіні жөніндегі заң талаптары ескертілді.
